Upphafið

Klassísk ástarsaga sem byggir á persónum og stefjum úr „Pilti og stúlku“ eftir Jón Thoroddsen. Ungu elskendurnir Sigríður og Indriði verða ástfangin í sveitinni og einsetja sér að hittast í borginni að lokinni sláturtíð. Það gengur hins vegar ekki áreynslulaust fyrir sig, því þegar til borgarinnar er komið er svo ótal margt sem glepur, s.s. fjöldamótmæli, vængstífðir hrafnar, framandi skemmtistaðir, kynleg grös og alls kyns ólifnaður.

Fyrst sett upp sem „Ó þú!“ 1987.

Allra fyrsta leikritið sem Leikfélagið Hugleikur setti upp var Bónorðsförin eftir Magnús Grímsson (1825-1860) í leikstjórn Steinunnar Gunnlaugsdóttur. Frumsýningin var í Félagsstofnun Stúdenta þann 14.apríl á því herrans ári 1984 og þeirri dagsetningu haldið á lofti sem formlegum fæðingardegi leikfélagsins.

Þar sem félagið leggur áherslu á að setja eingöngu upp verk eftir félagsmenn hefur Magnús oft verið kallaður fyrsti Hugleikarinn.

Leikritið gerist að Korpúlfsstöðum. Embættismenn borgarinnar, sem eiga þangað erindi, hverfa sporlaust með dularfullum hætti. Ungur embættismaður, Friðþjófur, er sendur til að leita þeirra. Hann verður margs vísari, því margt er öðruvísi á þessu fornfræga kúabúi en hann átti von á, og örlög embættismannanna önnur en nokkurn hefði órað fyrir.

Mememto Mori eftir Hrefnu Friðriksdóttur var fyrst sett upp í samstarfi við Leikfélag Kópavogs árið 2004 í leikstjórn Ágústu Skúladóttur. Leikhópurinn ferðaðist víða með verkið yfir nokkurra ára tímabil og sýndi leikritið meðal annars í Færeyjum (2006) og á leiklistarhátíð IATA í Suður-Kóreu (2007)

Leikgerð af Skugga-Sveini þar sem persónur höfðu allar skipt um kyn.

Sá glataði í leikstjórn Ágústu Skúladóttur var svokölluð samyrkjusýning (e.devised), skrifuð af Sigríði Láru Sigurjónsdóttur nánast meðan leikararnir spunnu senur upp úr biblíusögum, en þaðan var efniviður leikritsins sóttur. Svo miskunnasami samverjinn mætti auðvitað á svæðið ásamt ærinni Babýlon og sáningarmanninum Samúel.
Leikferð á NEATA í Sønderborg, Danmörku.

Leikritið Stútungasaga fjallar um líf Íslendinga á Sturlungaöld, á þeim tíma er Íslendingar ganga Noregskonungi á hönd. Atburðirnir eru sýndir í mjög kómísku ljósi og eru helstu persónur þess tíma dregnar sundur og saman í góðlegu háði.

Húsfélagið er nýjasta leikrit úr smiðju Hugleiks. Í bland við reynslu- og hryllingssögur úr raunverulegum húsfélögum ákvað höfundahópurinn að krydda söguþráðinn með nokkrum punktum úr Njálu. Til að þetta yrði nú örugglega ekkert léttmeti.

Gunnar Björn Guðmundsson leikstýrði verkinu og fannst við svo frábær (óstaðfest) að hann féllst á að taka Jólaævintýrið að sér í beinu framhaldi!

Fyrstu stuttverkadagskrárnar sem…Skrifi skrifi, leiki leiki.

VANTAR MYNDIR - en þessi er flott úr Stund milli stríða (2014) - verk í fullri lengd

Hugleikur trúir á endurvinnslu og sækir oft innblástur í Íslendingasögurnar. En stundum sækjum við vatnið yfir lækinn og leitum innblásturs í öðrum löndum.

Í þetta skiptið spreyttu reyndir og nýir höfundar félagsins sig á að skrifa stuttverk í anda leikskáldsins Antons Chekhovs og úr varð dagskrá með 6 stuttverkum. Sýnt á Eyjarslóð, þáverandi húsnæði félagsins.

Ljósmyndin er úr stuttverkinu Þrjár systur í kirsuberjagarðinum hans Vanja frænda

Nei við vorum ekki berrössuð þarna, heldur var þemað dagskrárinnar sótt til þeirra félaga Berthold Brecht og Kurt Weil. Úr varð fjögurra þátta dagskrá þar sem markmiðið var að sýna verk í stíl Brechts og Hljómsveitin Væl spilaði tónverk sem urðu til í tónlistarsmiðju fyrir dagskrána.

Þau allra afkastamestu hafa sett upp heilu stuttverkadagskrárnar í tilefni sinna eigin stórafmæla. Dagskráin “Í öruggum heimi” var safnasýning Júlíu Hannam sem hefur verið félagi frá upphafi aldarinnar.

Rannsóknarstofan var afrakstur tveggja námskeiða sem Rúnar Guðbrandsson stýrði, Leikarinn sem höfundur og Leikstjórinn sem höfundur.